Sofeixar

Sofeixar é esse petar dos bezerros, dos anhos, dos cabritos, no úbere da mai.
E dam cada sofeixada, algo mais que cofear ou cofar, outros dizem coçar.
Um bater forte para que baixe o leite, com toda a cabeça, fozinho, cara; e venha sofeixois, que eu nom sei como nom magoam, ponhem-se tam ansiosos que nom atendem a outra cousa mais que ao bento leite.
Abençoadinhos.

Entom busquei sofeixar na net.
E foi aparecer que é umha palavra tamém das Astúrias: Sufeixar.
Ouvim-na polo Zebreiro e no Courel.
E será que dam debaixo do feixe, sendo o feixe a mama?
Ainda assi existe tamém sopeixar, sopexar, supelir, sovacar...
Mira, olha aqui neste link, esté bezerinho cebuíno sofeixando. A mãe, está soltada(*) , isto é para que nom lhe dê um couce, devêrom-lho arrimar, e claro, nom deita o leite, nom abre o canho, nom lho baixa, nom lho ceiva, é um vitelo enjeitado, atediço.

Os ranchos nom sofeixam, dam co focinho, meio foçando sobre as rolhas.



(*) soltada aqui é que tem umha sôlta, umha trela, que ata as pernas, e impede correr ou coucear.