Lobado

Um lobado é um inchaço, às vezes um inchaço qualquer.
Especificamente som os inchaços infecciosos, subcutâneos ou musculares, geralmente nos animais, ainda que o tenho ouvido para a gente.

A orige está em que se lhe dá a culpa ao lobo, o lobo trava e onde o fai, a ferida enceta-se logo. Ainda que nom houver desgarro, só a picada dos canteiros do lobo é suficiente para gerar umha infecçom.
Os dentes cairos do lobo estám feitos para isso. O caínho leva umha pequena fenda e aresta que o percorre de riba a baixo, onde a semente infecciosa aninha, e ao ser chantado deixa o patógeno.

O lobado passou a nomear o carbunco, a clostridiose, e o antrax, que nalgumhas formas provoca inchaços rápidos, gangrenas enfisematosas, que aginha matam.